Predsjednik OFK Titograda Vladan Vujović kazao je u izjavi za Vijesti da je časnije biti trećeligaš nego igrati za kladionice.

Podsjećamo, Titograd je i matematički ispao iz 2.CFL.

–Časnije je biti trećeligaš, nego igrati za kladionice. Ovo je rezultatski neuspjeh, ali nije katastrofa. Treba samo prebrojati u prvoligaškim klubovima koliko je fudbalera prošlo kroz OFK Titograd. To su igrači koja ja više ne mogu sam da plaćam. Ali, krenućemo od nule, presabraćemo se, pregrupisati, imamo našu djecu koja su i dalje brojna u mlađim reprezentativnim kategorijama – kaže Vujović, i zaključuje:

–Od nule, od koje je klub trebalo da krene i 2017. godine da ja nisam priskočio u pomoć – kazao je Vujović.