Željezničar golovima Drlje savladao Arsenal iz Tivta

Oba gola postigao je u drugom poluvremenu Andrija Drljo.

Ekipa “Zeljezničara” postigla je prvi gol u 15 minutu drugog poluvremena, nakon gubitka lopte na sredini terena, lopta je proslijeđena u prostor po lijevoj strani sto je iskoristio krilo “Zeljezničara”, koji je prošao pored zadnjeg igrača odbrane i dijagonalom poslao loptu u “malu mrežu” golmana “Arsenala”.

Drugi gol za “Zeljezničar” postiže preko desne strane, kada je igrač solo prodorom prošao izmedju dva igrača u šesnaesterac i šutnuo loptu u donji desni ugao.

Ekipa “Arsenala” je prvo poluvrijeme odigrala sa iskusnijom ekipom, u kojoj su nastupili i “bonusi” Vladimir Kašćelan i Damjan Mugoša i može se reći da je igra bila na zadovoljavajućem nivou, čak bi se reklo i bolja nego igra protivničke ekipe.

Drugo poluvrijeme je nastupila kompletna rezervna postava, sa okosnicom mladjih igrača.

Možemo istaći odličnu igru mladih predvodjenih Kašćelanom i Matijom Kučom, saopšteno je iz FK Arsenal.